如果你要買保險, 最好揀d大公司或國際性公司(好似AIA, ING, 英國保成同宏利都唔錯), 因為保險o既目的係將風險分攤, 所以公司愈大投保人愈多就愈保險啦, 你可以去個d保險公司d網站到睇下o佢地個平級. 另外最好唔好幫d做左唔係好耐o既朋友買, 因為你唔知o佢會做幾耐, 如果o佢走左你就變孤兒單. 其實最好揀d做得耐例如over4年, 最好再耐d, 因為通常做over3年都好少轉行, 另外好多事保險d野唔係買就得, 到你萬一要claims時, 有經驗o既保險會比到好多意見你. 而我個人就唔係咁中意同銀行買保險, 除左係旅遊保家居保咁, 因為同銀行買, 如果有咩問題, o佢又係叫你打去問保險公司, 你都知customer services個d人, 實係叫你留電話, 問完左覆你, 有時仲唔覆 tim, 有時問野仲要同唔同人講幾次, 真係好煩, 如果你同保險公司買, 起碼有個人service你, 唔使咁麻. 我建議你搵多1,2間公司, 叫o佢比個計劃書你睇睇比較下, 冇話邊間抵, 只有邊間適合你, 要想清楚自己想要乜, 唔好只係聽個agent講. 如果你想問詳細d, 可以再問我, 我唔係做保險, 只係以前做過, 所以比較清楚, 希望我講d野你有用..... :-P
同埋要個agent做得耐d會好d, 因為經保險公司統計, agent多數會係入職唔夠一年同做左3年係最多人轉工, 所以如果你揀d做得4-5年, 會好d, 同埋agent除左要識詳細解釋份保單你知之外, 做得耐個d可以話到比你知, 如果你要claim記得住意d乜, 如果你想搵e生做手術, 邊個e生好d, 邊個e生收得貴, 如果你搵個交帶d, 唔會交左d單比o佢連d單都唔見埋, 如果你有事要入院, 半夜急 call都會來睇你, 準備晒d相關文件, 你有需要時唔使自己走來走去, 呢d好多時都唔係話識解釋份保單比你知就做到.....以上只係我知道的一少部份, 其實仲有好多差別, 不過每個人都有權揀自己中意, 都希望你買到適合自己o既保險, 仲有提你紅利都要睇下o佢之前係幾多, 唔可以只睇今年, 睇下o佢之前係咪比其他人低d, 點解係今年高左, 總之唔可以只睇今年啦.....
沒有留言:
張貼留言